განათლების სისტემაში 35 წელი ვიმუშავე: აშშ-ში, დიდ ბრიტანეთში, აღმოსავლეთ და დასავლეთ ევროპაში, შუა აღმოსავლეთში, შორეულ აღმოსავლეთში და კავკასიაში. ამ დიდი გამოცდილების ფონზე, დარწმუნებული ვარ, რომ ბიჯიესი ზოგადადაც ბრწყინვალე სასწავლებელია და საქართველოში კი ერთ-ერთი საუკეთესო გახლავთ. ბიჯიესი სთავაზობს ქართველ და უცხოელ მოსწავლეებს სასწავლო პროგრამას, რომელიც ეროვნული და ინგლისური პროგრამების ნაჯვარია, ადგილობრივი და ბრიტანული სწავლების მეთოდებისა და პედაგოგიური გამოცდილებების შეჯერებით, მისი მოსწავლეები საუკეთესო შედეგებს აღწევენ. ბიჯიესი განსაკუთრებული მხოლოდ იმ კვალიფიკაციების გამო კი არ არის, რომლებითაც ის თავის კონტინგენტს უზრუნველყოფს, არამედ თავად სწავლების ხარისხითაც, რომელიც მარტივად ფაქტებისა და მონაცემების დამახსოვრებას სცდება, მოსწავლეებს ეხმარება კრიტიკული აზროვნების განვითარებაში, შეძენილი ცოდნის სწორად გამოყენებასა და გაღვივებული უნარების პრაქტიკულ საქმიანობაზე ეფექტურ მორგებაში. ამას გარდა, ჩვენს მოსწავლეებს მოაზროვნე, პასუხისმგებლობით აღსავსე ახალგაზრდებად ვაყალიბებთ. ასეთი პრიორიტეტები საერთაშორისო სტანდარტის განათლების დამახასიათებელია და სწორედ ეს ეხმარება ჩვენს კურსდამთავრებულებს მომავალი წარმატების მოპოვებაში ნებისმიერ ადგილას სწავლასა თუ მუშაობაში. თუ გსურთ საერთაშორისო სტანდარტის განათლება მიიღოთ საქართველოდან გაუსვლელად და ეროვნული თვითმყოფადობის დაუკარგავად, აუცილებლად ესტუმრეთ ბიჯიესს! გელოდებით! კრისტოფერ გრინფილდი სკოლის დირექტორი 2013-16 წლებში, ემერიტუს დირექტორი 2018 წლიდან.