უკვე მერამდენე წელია BGS-ში განსაკუთრებულად აღვნიშნავთ ბრიტანეთიდან გამოგზავნილ საერთაშორისო გამოცდების სერტიფიკატების გადაცემის ცერემონიალს. 2023-24 სასწავლო წელიც განსაკუთრებული აღმოჩნდა! ყოველ წელს Pearson Edexcel-ი გამოყოფს წარჩინებულ მოსწავლეებს და მათ ბრწყინვალე შედეგებს გამოცდებში. Outstanding Pearson Learner Awards (OPLA) სერტიფიკატი გადაეცემა იმ მოსწავლეებს, რომლებმაც კონკრეტულ გამოცდაში მიიღეს უმაღლესი შეფასება ევროპის, აზიის ან მსოფლიოს მასშტაბით.
2023/24 წლის გამოცდების სესიაში მიღწეული უმაღლესი შედეგებისთვის, ბიჯიესის ოთხმა მოსწავლემ დაიმსახურა OPLA-ს სერტიფიკატი. ჩვენი მოსწავლეები საუკეთესონი აღმოჩნდნენ ევროპის 750 სკოლის 2200 მოსწავლეს შორის 82 ქვეყნიდან.

• ვახტანგ რაზმაძე – iPrimary Science (მასწავლებელი- იამზე ხუციშვილი);
• ანასტასია მიქელაძე – iPrimary Maths (მასწავლებელი- მზია ვაჩეიშვილი);
• მაია ადეიშვილი – GCSE Russian (მასწავლებელი: ნინო ჩიხლაძე);
• ლელა ჩივჩიური – GCSE ინგლისური, როგორც მეორე ენა (მასწავლებლები – თამარ ჯაფარიძე, თამარ ჩხეიძე, მაკა გოგინაშვილი).

სერტიფიკატების გადაცემის ცერემონიალი გაიმართა სასტუმრო ქორთიარდ მარიოტში. აღსანიშნავია, რომ სპეციალურად ამ ცერემონიისათვის გვეწვია Pearson-ის რეგიონალური განვითარების მენეჯერი ბალკანეთში, იტალიაში, საქართველოსა და სომხეთში ეფი სტატოპულუსი, რომელმაც გულითადად მიულოცა ყველას წარმატება, გადასცა მედლები და სერტიფიკატები.
დამსწრე საზოგადოებას სიტყვით მიმართეს სკოლის დირექტორმა ეკა კვაჭანტირაძემ და საერთაშორისო პროგრამების ხელმძღვანელმა ხატია გოგილაშვილმა.

ვულოცავთ ჩვენს მოსწავლეებს, მასწავლებლებსა და მშობლებს ამ წარმატებას!