კოვიდ პანდემიის შემდეგ ბიჯიესში მოსწავლეთა კონფერენცია განსხვავებული ფორმატით ჩატარდა. 2022-2023 სასწავლო წელს საბაზო და საშუალო საფეხურის მოსწავლეები სპეციალურად გამოყოფილ დროს აქტიურად იყვნენ ჩართული პროექტების დამუშავებაში სხვადასხვა დისციპლინაში. შედეგად, გაიმართა მოსწავლეთა კონფერენცია – ჯგუფური მუშაობისა და პროექტული სწავლების წლიური შეჯამება. კონფერენციაში, ფაქტობრივად, ყველა მოსწავლე მონაწილეობდა. ბიჯიესელები ძალიან მრავალფეროვანი და საინტერესო თემებით წარდგნენ ფართო აუდიტორიის წინაშე. შეხვედრას ესწრებოდნენ მშობელთა კლუბის წევრები.