უკვე მერამდენე წელია BGS-ში განსაკუთრებულად აღვნიშნავთ ბრიტანეთიდან გამოგზავნილ საერთაშორისო გამოცდების სერტიფიკატების გადაცემის ცერემონიალს. 2022-23 სასწავლო წელი განსაკუთრებული და გამორჩეული აღმოჩნდა!
ყოველ წელს Pearson Edexcel გამოარჩევს წარჩინებულ მოსწავლეებს, რომლებმაც მსოფლიოს მასშტაბით გამოცდებში უმაღლესი შეფასებები მიიღეს.
დიდი სიამაყით გაცნობებთ სასიხარულო სიახლეს: ჩვენი სკოლის მეშვიდე კლასის მოსწავლემ, ქეთევან სუდაძემ საუკეთესო შედეგისათვის Iprimary-ის ბუნებისმეტყველებისა და მათემატიკის გამოცდებში ევროპის 700 სკოლასა და 2600 მოსწავლეთა შორის OPLA-ს (Outstanding Pearson Learner Achievement Award) სერტიფიკატი მიიღო.
წელს სერტიფიკატების გადაცემის ცერემონიალი გაიმართა სასტუმრო ქორთიარდ მარიოტში. დამსწრე საზოგადოებას სიტყვით მიმართა სკოლის დირექტორმა ეკა კვაჭანტირაძემ. ხატია გოგილაშვილმა, საერთაშორისო პროგრამების ხელმძღვანელმა, მოსწავლეებს სერტიფიკატები გადასცა.
კიდევ ერთხელ ვულოცავთ ჩვენს მოსწავლეებს, მასწავლებლებსა და მშობლებს ამ დიდ წარმატებას!